Ilikuwa ni muda wa asubuhi, nilipokuwa naendesha kwenda nje kutafuta wanyama. Nilikuwa naelekea ziwani, Ziwa Ndutu, huko kusini mwa Serengeti. Ndipo nikakutana na mzoga wa nyumbu aliyekufa pembezoni mwa maji, na hapo hapo kulikuwa na fisi wengi sana wakila mzoga huo.

Ndipo nikamwona fisi mmoja akikatiza katikati ya maji akiwa na mguu wa mzoga huo, akikimbia kwenda kuuhifadhi mahali ili aule baadaye. Ni moja kati ya matukio mazuri sana niliyowahi kuona, kwani wanasema mwenye nguvu ndiye atakayechukua chakula, lakini mwenye legelege kidogo pengine ni ngumu.